ئێمە وەکوو ژمارەیەک کەسایەتیی سیاسی و ئەندامی کۆمەڵگەی مەدەنی لە دیاسپۆڕا و نێوخۆی ڕۆژهەڵاتی کوردستان ڕووی خۆمان دەکەینە سەرجەم حیزب و ڕێکخراوە سیاسییەکان، تۆڕ و ڕێکخراوە مەدەنییەکان، ڕووناکبیران و چالاکانی سیاسی و مەدەنیی سەربەخۆ کە لە پێناو دەستەبەرکردنی ستڕاتیژییەکی نیشتمانیی هاوەبەش دەستپێشخەری بکەن و ئەو پرسە گرینگە بخەنە سەرەوەوی ئەجێندای سیاسیی کوردەوە. ئەو هۆکارانەی کە ئێمەی هان داوە بانگی پێویستیی ستراتیژییەکی نەتەوەیی هەڵبدەین زۆرن: هێندێک لەو هۆکارانە دەرەکین و بەو پێیەش لە دەرەوەی دەستەڵاتی ئێمەدان؛ بەڵام هۆکارە نێوخۆییەکان ڕاستەوخۆ دەگەرێنەوە سەر ئەو کەمتەرخەمی یان بێهەڵوێستییەی کە ئێمە لە بەرامبەر دۆزی مێژووییی خۆمان و بزووتنەوەی سیاسی و چارەسەری داهاتووی پەیوەندیدار بەو دۆزەوە نواندوومانە و دەینوێنین.